समाचार स्वास्थ्य

मेडिकल सामग्री बिनाप्रतिस्पर्धा खरिद आर्थिक अनियमितता गरेको आरोप

काठमाडौं – चीनबाट खरिद मेडिकल सामग्रीलाई निश्चित व्यवसायीसँगको मिलेमतोमा प्रचलितभन्दा चर्को मूल्य तिरेर आर्थिक अनियमितता गरेको आरोप सरकारमाथि लागेको छ।

स्वास्थ्य तथा जनसंख्या मन्त्रालयले कोरोना भाइरस रोकथाम तथा व्यवस्थापनका लागि चीनबाट खरिद मेडिकल साम्रगीलाई  निश्चित व्यवसायीसँगको मिलेमतोमा प्रचलित बजारभन्दा अधिक मूल्य तिरेको दाबी रसायन तथा मेडिकल आपूर्ति संघ नेपालले गरेको छ। संघले मेडिकल सामग्री खरिदमा आर्थिक अनियमितता भएको दाबी गर्दै तिनको स्रोत र गुणस्तरमा पनि प्रश्न उठाएको छ।

कोरोना संक्रमितको उपचार क्रममा चाहिने नमुना परीक्षण किट, पिपिईलगायत सामग्री खरिदमा सरकारले अनियमितता गरेको आरोप विभिन्न क्षेत्रबाट लागेको छ। यो आरोपमा बल पुग्नेगरी मेडिकल सामग्री आपूर्ति गर्ने व्यवासायीहरूको छाता संघले पनि अनियमितता भएको भन्दै विज्ञप्ति जारी गरेको छ।

स्वास्थ्य मन्त्रालयले ओम्नी बिजनेस कर्पोरेट इन्टरनेसनलसँग करिब एक अर्ब २५ करोड रुपैयाँको मेडिकल सामग्री बिनाप्रतिस्पर्धा खरिद गरेपछि अनियमितताको आरोप लागेको हो।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ