अन्तराष्ट्रिय समाचार

न्यूजिल्याण्डकी प्रधानमन्त्रीले लाइभ कार्यक्रममा बोल्दाबोल्दै भूकम्प (भिडियो सहित)

न्यूजिल्याण्डकी प्रधानमन्त्री जसिन्डा आर्डर्नले संकटका बेला पनि नआत्तिएको भन्दै चौतफी वाहवाही बटुलेकी छिन् । सोमबार बिहानै एक टेलिभिजनको लाइभ अन्तरवार्तामा बोलिराख्दा भूकम्प आएको थियो ।

‘हामीले यहाँ भूकम्पको सानो धक्का महसुस गर्यौं,’ आर्डर्नले न्यूजहब एएम शोका कार्यक्रम प्रस्तोता रायन ब्रिजलाई भनिन् । वेलिङ्टनस्थित न्यूजिल्याण्डको संसदबाट बोल्दै गर्दा भूकम्प आएपछि उनले सिलिङ र आफ्नो वरिपरि हेरिन् । यद्यपि, उनी आफ्नो स्थानमै अडिग रहिन् ।

न्यूजिल्याण्डको सिस्मोलोजी एजेन्सीका अनुसार ५.९ म्याग्निच्युडको भूकम्प लेभिनको ३० किलोमिटर उत्तर–पश्चिममा ३७ किलोमिटर गहिराइमा गएको थियो । भूकम्पले केही क्षती नपुर्याएको बताइएको छ ।

‘यहाँ भूकम्पको धक्का महसुस भएको छ, हामी सबै ठिक छौं,’ आर्डर्नले ब्रिजलाई भनिन् । आफू अन्तरवार्ताको लागि पुनः तयार भएको संकेत गर्दै उनले भनिन्, ‘म ‘ह्याङ्गिङ लाइट’ को मुनि छैन ।’

भूकम्प १५ सेकेन्डसम्म रहेको थियो ।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ