अन्तराष्ट्रिय मनोरंजन शान्ति समाचार

नेपाली महिलामाथि तुच्छ गाली गरिएको अनुष्का शर्माको सिरियलको भारतभित्रै व्यापक विरोध

बलिउड नायिका अनुष्का शर्मा निर्मात्री बनेको वेबसिरिज पाताललोक अमेजन प्राइममा अत्यधिक हेरिएको छ । नेपाली महिलामाथि तुच्छ गालीसमेत समेटिएको यो सिरियलको अब भारतभित्रै पनि व्यापक विरोध सुरु भएको छ ।

भारतीय जनता पार्टीका नेता नन्दकिशोर गुर्जरले यो सिरियलविरुद्ध ऊजुरी गर्दा गरेका छन् । उनले भारतीय टिमका कप्तान विराट कोहलीसँग आफ्नी श्रीमती र पाताललोककी निमात्री अनुष्का शर्मासँगग सम्बन्धविच्छेद गरेर देशका लागि एक उदाहरण पेश गर्न माग गरेका छन् ।

भाजपा नेताले पाताललोक सिरिजमा सनातक धर्म र भारतीय एजेन्सीलाई गलत तरिकाले चित्रण गरेको बताउँदै यसलाई राष्ट्रद्रोह बताएका छन् । तसर्थ यो सिरिजकी निर्मात्रीविरुद्ध ऊजुरी दर्ता गरेका छन् ।

भारतको एक मिडिया हाउससँग गरिएको कुराकानीमा सांसद नन्दकिशोरले भने, ‘पाताललोककी निर्मात्री अनुष्का शर्माले राष्ट्रद्रोहको काम गरेकी छिन् । विराट कोहली हिन्दुस्तानका लागि खेद्यछन् र उनी देशभक्त हुन् । यस्तोमा उनले आफ्नी श्रीमती अनुष्काशर्मासँग सम्बन्धविच्छेद गरेर मानिसहरुका लागि एउटा उदाहरण पेश गर्नुपर्छ ।’

नन्दकिशोरले अनुष्का शर्माविरुद्ध आफ्नो ऊजुरीमा लेखेका छन्, ‘पाताललोक वेब सिरिजमा बालकृष्ण बाजपेयी नामका अपराधीसँग सम्बन्धित राख्ने नेतासँग एक सडक उद्घाटनमा मेरो र अन्य भाजपा नेताको फोटो देखाइएको छ । यो तस्बिर प्रयोग गर्नका लागि सिरिजकी निर्मात्रीले मेरी अनुमती लिएकी थिइनन् । यतिमात्रै होइन, सिरिजमा गुर्जर जातीको छवि खराब गर्ने कोसिस गएको छ, जुन सरासर गलत हो ।’

भाजपा नेताले पाताललोकविरुद्ध मोर्चा खोलेका छन् । अहिलेसम्म यो मुद्दामा अनुष्का शर्माले केही भनेकी छैनन् । यो विवाद पछि सिरिजबाट भाजपा नेताको फोटो हटाइएको छ ।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ