अन्तराष्ट्रिय समाचार स्वास्थ्य

कोरोनाभाइरसबाट नाइजरका श्रममन्त्रीको निधन

कोरोनाभाइरसका कारण अफ्रिकी मुलुक नाइजरका श्रम तथा रोजगार मन्त्री मोहमद बेन ओमारको निधन भएको सरकारी टेलिभिजनले घोषणा गरेको छ । सत्तारुढ सोसल डेमोक्र्याटिक पार्टी (पिएसडी)ले राजधानी नियामेमा उपचारकै क्रममा ५५ वर्षीय बेन ओमारको आइतबार निधन भएको जनाएको छ।

मन्त्री बेन ओमारको निधन भएको समाचार प्रशारण गर्नुअघि टेलिभिजनले मन्त्री बेन ओमारले कोरोनाभाइरसका ’boutमा व्यक्त गरेका सन्देशहरु प्रशारण गरेको थियो।

सन्देशमा मन्त्री ओमारले कोरोनाभाइरस निकै खतरनाक र घातक रहेको तथा यो प्रकाशको गतिमा तीव्र रुपमा फैलिने स्वभावको रहेको बताएका थिए। नाइजरका राष्ट्रपति मोहमदु इसोफुले बेन ओमारको निधनबाट आफू अत्यन्त दुखित भएको बताएका छन्।

नाइजरमा हालसम्म ७ सय ५५ जनामा कोराना संक्रमण हुनुका साथै ३७ जनाको मृत्यु भएको छ भने ५ सय ३४ जना उपचारपछि घर फर्किएका छन्। नाइजरमा हाल आपतकालीन स्थितिको घोषणा गर्नुका साथै यसका सीमा, धार्मिक स्थल तथा विद्यालयहरु सबै बन्द गरिएका छन्।

साथै राजधानी नियामेलाई देशका अन्य भागबाट अलग्याइएको छ।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ