अन्तराष्ट्रिय फेसन मनोरंजन राष्ट्रिय समाचार

अमेरिकन चलचित्रमा स्वस्तिमा र केकी एकसाथ

अमेरिकन चलचित्रमा नायिका स्वस्तिमा खड्का र नायिका केकी अधिकारीले काम गर्ने भएका छन् । चलचित्र निर्माण पक्षले अङ्ग्रेजी भाषामा निर्माण गर्न लागेको चलचित्रमा स्वस्तिमा र केकी अनुबन्धित भएका छन् । यस चलचित्रमा स्वस्तिमाले मुख्य भूमिका निर्वाह गर्ने छिन् । जानकारीअनरसार चलचित्रमा स्वस्तिमा र केकी दिदी बहिनीको भूमिकामा प्रस्तुत हुनेछन् ।

केही समय अगाडि नेपाल आएको चलचित्रको टिमले अडिसनबाट नै स्वस्तिमा र केकीलाई छनोट गरेको हो । स्वस्तिमा र केकीसँगै अन्य केही नायिकाहरुले पनि अडिसन दिएका थिए ।

चलचित्रको निर्माण पक्षको विषयमा भने अहिले सार्वजनिक गरिएको छैन । चलचित्रमा अन्य कलाकार भने अमेरिकन नै हुने बुझिएको छ । चलचित्रको सम्पूर्ण छायांकन पनि अमेरिकामा नै हुनेछ । कोरोनाको त्रास सकिएलगत्तै चलचित्रको छायांकन सुरु हुनेछ ।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ